Blogg

miðvikudagur, nóvember 23, 2005 spurningakeppni

Hérna kemur fyrsta spurningakeppnin á toga.name og hugsanlega sú eina.

Spurning er: Hvað heita þættirnir sem þessir léku í ?
Svarið skal senda á thorthors@gmail.com.
Í verðlaun er mesta og besta uppfinning ástrala fyrr og síðar..

Bjór hulstur sem heldur bjórnum köldum í miklum hita.

sunnudagur, nóvember 20, 2005 30 stiga hiti á hverjum degi

Núna er Áslaug búin í prófunum og komin í frí. Það hefur verið mikið að gera hjá okkur báðum undanfarið en við ætlum að taka okkur á og reyna að blogga meira núna. Hérna er smá yfirlit hvað er búið að gerast hjá okkur.

Tölvan mín krassaði um daginn og móðurborðið eyðilagðist. Fór með hana í viðgerð og maðurinn sem tók við tölvunni sagði að gögnin væru eflaust ónýt. Ég var að sjálfsögðu aldrei búinn að taka afrit af gögnunum og fékk sjokk - vissi ekki alveg hvort að ég ætti að gráta eða æla. Ég fékk vélina sem betur fer í heilu lagi nokkrum dögum seinna eftir mjög leiðinlega bið.

Ætla að taka afrit reglulega núna!!

Ég og Thor jr. fórum á Camping expo til að skoða báta og jeppa. Jr. fékk að klifra upp í alla bátana á sýningunni og skemmti sér konunglega. Ég sá skemmtilegar útileigu græjur og nokkra jeppa sem ég get kannski keypt notaða eftir 10 ár :).

Við erum búin að skella okkur nokkrum sinnum á ströndina og verðum reglulegir gestir í sumar eins og áður hefur komið fram.

Fórum á cottesloe á sunnudegi og sáum hvernig Ástralir taka á því í Sunday Session. Sunday Session er bara djamm um miðjan dag og langar raðir eru fyrir utan skemmtistaði.

Við erum líka búin að vera að skoða nágrenni Perth. Fórum að skoða stíflu sem þeim þykir mjög merkileg.

Það er komið "bush fire season" og fólk á að hafa varan á. Sólin og hitinn geta víst kveikt í gróðrinum hérna við einhver ákveðin skilyrði. Í fyrra var víst það mikill eldur í óbyggðunum hérna að reyk lagði yfir alla borgina og það sást ekki í háhýsin.

Fórum í nokkur partý og nokkur afmæli. Leikskólakennari frá leikskólanum hans Thors kom og passaði fyrir okkur.

Fórum á gay pride hérna sem var um haldin á laugardagskvöldi. Þeir koma víst bara út á kvöldin hérna. Er ekki alveg að skilja þetta með dönsku nunnurnar í göngunni - en Thor jr. fannst þetta allt mjög merkilegt og mótorhjóla lesbíurnar voru flottar.

Við héldum partý í gær fyrir bekkjarfélaga Áslaugar og kennara. Það er mikil þynnka í gangi hjá mér en Áslaug slapp. Thor jr. fékk að gista hjá Grétari og Katrínu og sagðist vera fluttur til þeirra hann hafði það svo gott hjá þeim. Við setjum inn myndir frá partýinu á morgun eða hinn.

Síðan koma tengdó í byrjun næsta mánaðar og við ætlum að leigja húsbíl og skoða okkur um. Keyra niður til Margaret river sem er eitt frægasta vínhérað í Ástralíu. Ekki alveg það sem maður er að hugsa núna en ég vona að þynnkan verði horfin þá....

þriðjudagur, nóvember 01, 2005 Jása

Emilíana Torrini er á leiðinni til Ástralíu og ætlar að halda tónleika í nokkrum borgum. Diskurinn hennar "Fishermans Wife" er einn af söluhæstu diskunum í Ástralíu á þessu ári. Hún kemur til Perth í desember og ætlum við hjónin að skella okkur á tónleikana. Birkir vinur okkar hafði samband við okkur og sagðist hafa reddað okkur á gestalista. Hann þekkir trommarann hjá Emilíönu sem ætlar að græja þetta. Ekki slæmt!! Ég hef nú aldrei hlustað neitt á hana Emilíönu en fékk mér nýja diskinn eftir að ég heyrði hann í útvarpinu hérna.. þetta verða eflaust fínir tónleikar. Takk fyrir þetta Birkir...

Ég er alltaf að reyna að kveikja áhuga á fótbolta hjá jr. og það gengur víst bara ágætlega. Við fórum á leik um daginn að sjá Perth Glory spila. Óli vinur okkar hérna var með miða og bauð okkur, Grétari og jr. með sér.

Thor lifði sig vel inní þetta og klappaði t.d. mikið þegar Perth skoraði.

Við fórum nokkrum mínútum áður en leikurinn var búinn til að losna við mestu umferðina. Thor kvartaði mjög mikið yfir því og vildi sjá meiri fótbolta. Þannig að planið mitt lögfræðingur/knattspyrnumaður er ennþá í fullu gangi.

Núna eru 5 vikur í að tengdó koma í heimsókn. Það er ekki slæmt að vera með svona barnapíur sem fljúga hálfan hnöttinn til að passa... ég efast um að þau vilji eitthvað hitta mig og Áslaugu :) Áslaug klárar þessa önn eftir 3 vikur og verður þá komin í 3ja mánaða sumarfrí.

Mér tókst að drepa alla heimþrá með því að lesa á mbl.is hvernig veðrið er á Íslandi.